Опис
ШТО ПРЕТСТАВУВА КАНЕСТЕН® 3 ВАГИНАЛНИ ТАБЛЕТИ И ЗА ШТО СЕ УПОТРЕБУВА
Канестен 3 е лек кој се користи за лекување на габични инфекции на вагината. Клотримазол, активната супстанција дејствува врз габите на тој начин што го инхибира создавањето ергостерол, што доведува до структурни и функционални оштетувања на цитоплазматската мембрана.
Канестен® 3 вагиналните таблети се употребуваат за лекување инфекции на половите органи (вагинитис) што ги предизвикуваат габи (најчесто CANDIDA ) и суперинфекции со бактерии чувствителни на клотримазол.
Употреба: лекот треба да го употребувате како што е пропишано во упатството (освен ако лекарот не одреди поинаку). Доколку не сте сигурни Ве молиме советувајте се со Вашиот лекар или фармацевт. Ако не се придржувате кон упатството, лекот нема да дејствува правилно.
За лекување на вагннални инфекции: секоја вечер во текот на 3 непрекинати денови ставете по една вагинална таблета, што е можно подлабоко во вагината, пред спиење. Тоа најдобро ќе го постигнете ако лежите на грб, со малку свиткани нозе.
На клотримазол вагиналните таблети им е потребна влажност, за да се растопат комплетно во вагината, во спротивно делови од вагиналната таблета може да испаднат од вагината. За ова да не се случи важно е таблетата да ја ставите што е можно подлабоко во вагината пред спиење. Доколку вагиналната таблета не се растопи комплетно во текот на една ноќ, препорачливо е да користите вагинален крем.
Плодност, бременост и доење:
Пред да земете било каков лек, советувајте се со лекар или со фармацевт.
Како и сите лекови и Канестен 3 вагинална таблета може да предизвика несакани дејства, иако тие не се појавуваат кај секого.
Лекот чувајте го на места недостапни за деца!
Избегнувајте контакт на лекот со очите. Немојте да ги голтате вагиналните таблети. Лекот да се чува на температураа до 30°С.
Како да знам дека е кандидијаза?
6 главни симптоми
Чешање
Оток
Црвенило
Необичен исцедок
Печење
Болка
Кандидијазата обично не го менува нивото на pH и нема мирис, но може да почувствувате болка за време на секс или мокрење.
Без грижи!
Можеби чувството е непријатно, но нема потреба да се плашите. Кандидијазата не е сексуално пренослива болест или сериозна состојба и во повеќето случаи може лесно и ефикасно да се излечи. Исто така, вообичаена е и многу честа – 3 од 4 жени ја добиваат барем еднаш за време на нивниот живот и не е предизвикана од недостаток на хигиена1.